Um okkur

The Mistress er undirfataverslun sem selur korselett, waist trainera, undirföt, límdar lausnir og fylgihluti. Stofnað af tveimur vinkonum árið 2019, innblásturinn að búðinni var að opna skemmtilega verslun sem við vildum sjálfar versla í. Það skipti okkur máli að skapa skemmtilegt verslunarumhverfi þar sem vinkvennahópur gæti komið og allar fundið eitthvað á sig óháð stærð. Við opnuðum okkar sæta verslun í Firðinum í Hafnarfirði í september 2019. Við lokuðum rýminu í lok maí 2023 en höldum áfram að þjónusta okkar viðskiptavini af ástríðu og kærleika í gegn um netverslun okkar.

Að vera í fallegum undirfötum getur gefið manni styrk og sjálfstraust til að takast á við daginn þó að enginn annar sjái þau. Við reynum að vera bæði með praktískar vörur fyrir hversdags notkun en líka með ögrandi vörur eins og opna brjóstahaldara og kloflausar nærbuxur. 

Okkar þjónusta :

Við stærum okkur af því að vera með persónulega þjónustu. 

Það er hægt að senda okkur skilaboð til að fá aðstoð við stærðarmælingar. Við þekkjum það af eigin reynslu hvað er frelsandi að vera í vel mældum haldara en haldari sem er of víður eða of lítill getur valdið miklum óþægindum og aftrað manni í daglegu lífi. 

Er varan ekki til í þinni stærð? Hægt er að senda okkur skilaboð og fara á biðlista hjá okkur. Þá sendum við sms þegar varan er komin. Það er líka hægt að forpanta vöruna og greiða fyrirfram og þá er varan þín um leið og hún lendir hjá okkur. 

Viltu fá að vita af sérstökum tilboðum og fá tilkynningu þegar nýjar vörur berast? Hægt er að skrá sig á póstlista hér neðst á netsíðunni og þá missirðu aldrei af neinu.  

Hvaðan kemur nafnið?

The Mistress er gamalt enskt orð með fjöldamargar merkingar sem vísa flestar í konur sem hafa ýmist mikla þekkingu, vald eða status. Auk þess hefur orðið merkingar sem tengjast ástarsamböndum og kynlífi.  Því fannst okkur nafnið tilvalið fyrir okkar verslun sem er mitt á milli þess að vera venjuleg undirfataverslun og kynlífsfataverslun.